初入保險界，唔少經紀都會用「友誼牌」拉番少少客仔，但劉凱濤為免影響波友感情就拒絕向隊友「埋手」，不過佢以過來人身份分析，認為保險可助運動員慳番唔少醫藥費。
阿濤兼顧學業及打波，對球會福建及港隊嘅訓練冇乜影響，但被問及會否向隊友Sell保險，阿濤就「耍手擰頭」：「我絕對唔逼佢哋，唔想中間有誤會，影響隊友或朋友嘅關係。」
不過，縱橫球場多年，僅得183磅嘅阿濤因為骨瘦如柴經常受傷，佢就希望以過來人身份幫隊友：「打波其實好易整親，跌打同物理治療費用都好高，我覺得運動員應該有份保障畀自己。」