高比仔發晦氣話去熱火
【本報綜合報道】湖人斟介基斯保羅惹來一身蟻，不滿成「交易籌碼」的奧當已黯然離隊，然而「紫金兵團」昨日只是簽入麥羅拔斯這位「大茄」頂檔，難怪陣中王牌高比拜仁已對會方徹底失望。據《印第安納星報》透露，湖人昨日簽入溜馬大前鋒麥羅拔斯，雙方簽訂1份兩年總值六百萬美元的合約，不過此子去季場均只有7.4分及5.3個籃板球，確實難代奧當。
對於戰鬥力比去季更削，「小飛俠」昨日接受《洛杉磯時報》訪問時全程黑面，更發晦氣表示：「你覺得湖人仲係咁勁？我就覺得一啲都唔掂，不如今日就將我交易去熱火吧！」
仲想搵加素換基斯保羅
據悉，湖人仍未放棄基斯保羅，並密謀以西班牙大前鋒加素作籌碼，陣營氣氛勢必再一步變差。另外，昨日是小牛的「傳媒日」，新兵卡特及奧當均有份拍攝宣傳照，新加盟的奧當表示雖然被湖人背叛，但能為小牛効力令他感到驕傲，並會盡力協助球隊衞冕。