卡梅倫率先發炮：「聽到佢話種族歧視係球賽一部分，我真係嚇一跳，我哋要全面對抗種族歧視，絕對不能鬆懈！」碧咸亦喪插白禮達：「白禮達呢番話真係駭人聽聞，種族歧視一直存在，唔係握手就可解決！」
白禮達「握手論」直接影響ＦＩＦＡ形象，據英國《每日郵報》爆料，阿聯酋航空不滿佢呢番言論，會密切注視事態發展，雙方合約喺2014年屆滿後，未必會續約，份約足足值成1.22億鎊，冇咗對ＦＩＦＡ影響好大。
貝千金公開鬧老竇
與此同時，球壇另一位麻煩老頭子貝魯斯干尼又出醜，佢個寶貝女、家吓嘅AC米蘭揸弗人芭芭拉近期睇緊本女權著作，之後竟然公開喪插老竇：「我阿爸將艷舞女郎帶入國會表演，對國家形象唔係好事。」