八級鋼琴紓緩情緒
古典音樂並非人人識得欣賞，但黃永棋除打出一手「好波」外，更擁「八級鋼琴」造詣。「文武雙全」的Vincent，將天生的音樂細胞用作球場外紓緩情緒的好方法。
最愛古典音樂
6歲開始學琴，14歲考到八級證書，黃永棋自問並非音樂人，卻因為一個「型」字彈起「黑白鍵」。「細個睇電視見到彈琴嘅人好有型，就跟住學，考到四級本來已唔想再考，但家人唔想我咁易放棄，14歲嗰年就考到八級證書，最鍾意古典音樂。」
「八級琴」過程並無日練夜練般艱辛，Vincent只以「得閒練吓」形容，轉上全職球手，琴藝卻沒因此生疏，反而對球技有幫助：「有時打波好攰就會彈琴輕鬆吓，除咗減壓，我自小在球場上亦唔會有大喜大怒嘅波動表現，亦要多得彈琴嘅幫助。」