公民質高大埔態勇 今夜激戰旺角場

本地甲組聯賽進入第5輪,暫居次席的公民今晚將在剛重開的旺角場挑燈夜戰,與到訪的和富大埔交鋒,論牌面公民較強,但大埔挾新勝飛馬餘威出擊,料是一場激戰。

(now 634今晚8時直播)

主隊上季兩戰兩勝

港甲踢畢前4輪,前5位球隊積分在3分之內,形勢緊湊,公民與傑志同得10分,僅以得失球較次居次席,今晚只要唔輸畀大埔,將可過過聯賽一哥癮。

公民回歸旺角場首度上陣,最近公布一系列宣傳攻勢,包括由靚女出任球迷會經理,今晚又有球迷會入會優惠,會方大力催谷下,球員定必傾力爭勝。大埔上仗以3比1戰勝天水圍飛馬,跨季5度擊敗對手,然而一物治一物,公民的硬朗踢法亦能克制大埔,上季聯賽公民先後以1比0及3比2兩勝大埔,今仗公民雖有沈國輝停賽,但有馬嘉祺補上,無損整體實力。

重臨福地特別有計

大埔對賽往績雖不及公民,但該隊在旺角場向來有出色表現,08至09年季初在旺角場錄得5連勝,封場重建前最後一場甲組賽事的勝方亦是大埔,當時該隊在足總盃4強以1比0擊敗流浪打入決賽,最終更奪得錦標歸,大埔今晚重臨福地,演出令人期待。

今日賽程

晚上8:00 : 公民 Vs 和富大埔

地點 : 旺角大球場

票價 : $60、20(特惠票)