日之泉JC晨曦5:0深水埗

巴利大演帽子戲法

晨曦今仗全場佔盡上風，18分鐘梁子駿左路罰球大腳送前，「港版亨利」鄭少偉門前快腳一篤入網。完半場前，首次為晨曦上陣的國援潘佳傳出靚波，巴利頭槌鑿入，半場晨曦領先2球。下半場晨曦換入射手卡爾，令晨曦前線火力更猛，57分鐘白榮澤左腳抽入世界波贏到3比0，深水埗防線亦告崩潰，其後晨曦再由巴利於59及66分鐘再入兩球，完成帽子戲法，湊成5比0大捷。晨曦全取3分後，以4戰得8分暫列聯賽榜第4位，這亦是球隊近4季的最佳開季成績。

大埔主場3:1挫飛馬

旺角場重開共4,499人入場，4,278人購票，收入為$78,680，晨曦會長周文亮滿意票房數字：「今仗我們想場面熱鬧一點，故票價減至$20，但減價始終不是長遠辦法，最基本還是要踢好波，期望球隊能持續強勢向錦標進發。」晨曦昨日組織約500人啦啦隊撐場，與深水埗打氣團各據一方，營造出熾熱氣氛。

同日另一場聯賽，和富大埔主場以3比1擊敗天水圍飛馬，打破對方今季不敗身。上半場大埔憑高美斯、安基斯及呂志興各建一功，以3球遙遙領先，飛馬至下半場80分鐘才由卡里祖破蛋，完場前卡里祖再入一球，但犯手球在先，入球無效之餘更累積兩黃一紅，結果大埔贏3比1，繼上季四挫飛馬後，今季再做飛馬剋星。

巴利（橙衫）盤球推進勇不可當，深水埗後衞阻佢唔住。	巴利係旺角場重開首位「戴帽」球員。	開球禮由球員帶領球僮進場，十足國際賽規格。
開賽前不少球迷排隊購票入場。	晨曦一眾高層昨日全部列席。