旺角場重建落成，今日場面肯定墟冚，有意入場人士留意，旺角場大閘、入口、停車場位置都唔同晒，一於早啲入場霸位，慢慢參觀啦！
首先係球場入口，設置喺花墟道入口廣場，進入廣場後會看到8個入閘機，至於公眾停車場改到界限街，不過只有私家車位16個、殘疾人士停車位1個、旅遊巴士停車位2個及電單車位1個。
旺角場6,664個座位，其中3,300個座位設有拉篷式上蓋，觀眾席升高1.5米，令視線更清楚。
公眾洗手間雖由原本14個減至12個，但總面積由288平方米增加至680平方米，仲有1間育嬰間、8間殘疾人士洗手間，小食亭設喺西看台。
計分牌搬到火車橋看台，附設大電視螢幕，面積約9.28米闊X5.76米高。