客串做主播上鏡又生鬼

林宜芝今年24歲，身高5呎6吋，2007年參加第41屆香港工展小姐獲得亞軍，之後從事模特兒工作。因為佢係中德混血兒，再加上身材豐滿，故有「混血E神」稱號。今年書展佢聯同Iris鍾采羲推出寫真集《What's up》，之前亦曾拍過電影，再加上密密到各地夜店做DJ打碟，認真豬籠入水。當年除獲工展小姐亞軍外，Monna仲同時得到最上鏡小姐同最佳口才獎，所以今次拿仁特別安排佢試吓咪做體育主播，呢名靚女於鏡頭面前淡定有錢剩，報道嗰陣咬字清晰又夠生鬼。喂！第日如果有時間，記得嚟ontv客串，點擊率肯定爆燈！