Monna骨肉勻稱，全身毫無贅肉，拿仁懶醒咁話佢一定成日做運動喇！但原來Monna平時冇運動開，最耗體力嘅節目，就係行街Shopping﹕「唔好睇小Shopping呀，同Jogging都差唔多，我每次閒閒哋都行幾粒鐘，仲拎住周身戰利品喎，運動量都勁高架！呀！我有時仲會去船河，雖然唔識游水，但就好想試吓啲刺激嘅水上運動。」
咁Monna有冇睇波呢？「因為我有1/4德國血統，所以睇世界盃時候特別留意德國隊，舊年世界盃佢哋好勁呀，阿根廷有美斯都唔夠踢，見到德國係咁入波，真係好有滿足感。最衰4強輸咗畀西班牙，如果德國捧埋盃，我嗰晚肯定瞓唔着架！」