情繫中國的林立信，多年前已表明要學中文提升「身份」。問Patrick學中文學成點？他尷尬地說「無進展」，除識講「林、立、信」外，其他都是以英語為主，與父親以德文對話的Patrick直指很想用中文與爸爸交談，惟歐洲鮮有廣東話教師：「我一直很想學廣東話，但在歐洲通常只有普通話老師，很難找到教廣東話的，我希望爸爸可教我，但他總是很忙。」
打麻雀是中國國粹，是訓練腦筋一個好玩意，「鬼仔」Patrick自細就學識打麻雀，不過從來唔賭錢。林爸爸係甩牌高手，訪問當日更即場表演「甩牌」：「紅中！嗱！都話係o架啦！」坐喺一旁嘅Patrick亦有樣學樣，不過查實都好水皮，東南西北當然未分得清，連甩到最易嗰隻白板都亦只係識話係：「Square（正方形）」，不過兩父子就玩到搭晒膊頭，笑到拆天！
對於Patrick「聽、講、睇」中文都有困難，林爸爸亦相當睇得開：「其實佢學嘢好快，細個喺歐洲學游水一晚就學識」。風趣幽默嘅林爸爸傳統得嚟又開通，連當年結婚時到祠堂「拜堂成親」，亦因太太在外國「返唔到嚟」而要搵替身頂替，難怪Patrick也笑稱：「My Dad is always funny！」