踢波踢得好，畀到人說服力，轉行做講波佬似乎着數啲，但凡事唔一定嘅，好似本港幾名公認講波出色嘅講波佬李德能、馬啟仁同何輝，後生時都唔係出色球員，但做評述員就堪稱「冧巴溫」喇！
李德能唔係運動員出身，反而係做電台之後再接觸到體育節目及足球評述，其後主力擔任足球評述員。馬啟仁Keyman入行十六年，本身係社會學系畢業，加入有線體育台做製作主任，慢慢開始轉做講波佬。
何輝係本地甲組球員，雖然曾入選過香港隊，但其球員生涯唔算十分成功，廿七歲就掛靴。掛靴後曾經做過幾年地產測量員，之後先加盟ESPN擔任評述員。