舒利亞作為九十年代英格蘭最佳射手，有一定江湖地位，所以唔少電視台都搵佢講波，佢喺○六年掛靴後已擔任BBC客席評述員，有份參與○六世界盃評述，之後過檔天空電視台做全職講波佬。基於佢喺國內有一定聲望，所以無論佢講嘢有幾辣，都冇人夠膽鬧番佢轉頭，而且佢又短暫教過紐卡素，體會好多鮮為人知嘅領隊苦況，令佢喺講波界更加吃得開，就算教波教唔掂，亦都唔愁冇嘢撈。