曾經効力NBA球隊火箭嘅姚明，因長期受傷患困擾已退役，不過姚明並未完全脫離籃球圈，佢決定協助央視現場評述亞洲籃球錦標賽。有咁重量級嘅主持講波，收視率梗係節節上升啦！
大家咪以為請姚明做講波佬一定重皮，其實佢只係象徵式收取五百元人民幣。姚明話反正自己都黐實亞錦賽，咪順便講埋波囉！基於姚明對於國家隊相當熟悉，故可為球迷提供專業性資訊。姚明仲落力到做埋賽後訪問，同王治郅講，好耐都冇見過佢入樽，笑言對上一次睇大郅入樽都唔知個B出咗世未。