儘管在運動員時代已擁有大學學位，但李致和相信不斷增值可令自己的人生更充實，因此他已重返校園，在中文大學攻讀教育碩士學位，不排除將來加入「人之患」行列。
致和坦言目前初踏足社會，自己的未來、事業方向仍在尋覓中，因此現階段會以「漁翁撒網式」在多方面嘗試：「其實我都想投考紀律部隊，趁依家有時間就攻讀碩士學位，這只是Part Time課程，對目前工作影響不大，而且亦可為將來作預備。」
其實，以致和的運動經驗及學歷完全可以考慮當上三鐵教練，但他坦言自己缺乏耐性，難以成為一個好教練：「我係個冇耐性嘅人，好似等位飲茶、等位食飯，總之要排隊去等嘅嘢，可避則避，同時我亦係一個要求好高嘅人，我怕遇到一啲『我緊佢唔緊』嘅學生，所以教練工作唔啱我。」
有否想過做爸爸？「李鐵人」坦言不抗拒亦不渴求：「目前我同老婆都唔係太着緊要生ＢＢ，有時見到人哋抱着啲得意嘅ＢＢ，都有一剎那嘅想法，但一切都係順其自然吧！」