亞洲錦標賽尋日就打完喇，不過美洲女子籃球錦標賽已展開，呢項賽事水平頗高，好似加拿大、巴西同阿根廷都屬世界級勁旅。
今屆賽事於哥倫比亞舉行，共十隊參賽，冠軍可自動取得明年倫敦奧運入場券，由於美國早已取得入場券，故並未派隊參賽，世界排名第六嘅巴西成為奪標大熱，森巴女將會喺香港時間周二早上5時45分迎戰牙買加，兩隊實力相距非常大，巴西更曾於分組賽首仗大勝巴拉圭83分，手風超順，睇怕今場都係大勝格局。