$20飛街坊價睇深水埗大戰飛馬

預計又會扯紅旗

以奧運腳為骨幹的深水埗，加入老將潘耀焯、陳家麒及數名外援征戰港甲，雖然開季2連敗，但首戰0比1僅負公民，上仗0比2不敵南華，以甲組新軍來計已算有交代。今午迎戰開季兩戰全勝、攻入8球的天水圍飛馬，深水埗球員將再受考驗。

深水埗小將透過比賽不斷成長，球會在區內的號召力更令其他球隊羨慕不已，該隊首仗對公民時，將門票激減至20元，結果吸引超過1,800人入座，令僅可容納約2,000人的深水埗運動場，入座率達9成，而上仗對南華票價回復60元正價，更出現滿座盛況。今午迎戰天水圍飛馬，深水埗又將票價降至每票20元，預計又可吸引大量觀眾捧場。

流浪青衣場惡鬥大埔

同日另一場港甲聯賽標準流浪對和富大埔，將移師青衣運動場舉行，流浪上仗憑前鋒辛祖踢爭氣波，苦戰下以2比2逼和公民搶得1分，大埔上仗則以2比4受挫於傑志腳下，希望以贏波重拾信心。

另外傑志宣布，「香港巴塞足球學校」將於10月1日起易名為「傑志足球學校」，但課程內容不變，並維持「零學費」。

今日賽程

下午2:30：深水埗Vs天水圍飛馬

地點：深水埗運動場

票價：$20

下午5:30：標準流浪Vs和富大埔

地點：青衣運動場

票價：$60、20