Phoebe身材高挑、上圍豐滿，再加上索爆五官，天生係食娛樂圈呢行飯，做Model真係啱晒佢。女仔個個都貪靚，本身屬於運動健將嘅佢，依家為免腿粗而極少做運動，咁佢點Keep住至Fit體形？原來係玩呼拉圈！
「因為我爹哋好高大，所以我細細個就好高，由幼稚園開始我就排最尾，讀中學有個老師話我適合跳高、跳遠，所以我一路都有玩學校陸運會，我攞過跑步金牌添！但之後我發覺隻腳變粗咗喎，跳舞仲搞到我有腹肌添，所以依家只會緩步跑。」
問Phoebe點Keep Fit，原來係玩呼拉圈：「玩Sit up容易令我有腹肌，玩呼拉圈就唔會嘞，一路玩一路睇波真係好爽o架！而另一個令我瘦嘅原因，哈哈，就係夜瞓，但可能淨係我先係咁o架咋，大家唔好學呀！」
