今日繼續同大家講吓台灣嘅瓊斯盃籃球賽，由於賽事分組賽係打循環制，即係話每隊連續七日要打七場分組賽，體能消耗極大，唔少強隊為咗留力淘汰賽，都唔想班主力去得太盡，導致強隊僅以些微分數贏波，今日東道主台灣對實力強一班嘅南韓，由於南韓已穩奪四強資格，放軟手腳下，隨時有機會畀主隊偷到雞！
南韓係今屆賽事頂頭大熱，實力大超班，提早進身四強係意料中事，不過由於賽程太緊密，連續七日都要比賽，所以留有一手係人之常情，由周俊三領軍嘅台灣今屆表現神勇，主將陳信安、張宗憲都有穩定演出，要佢哋贏南韓可能並非易事，但相信唔會大敗！