昨日講完瓊斯盃，今日講吓斯坦科維奇盃海寧站，呢項賽事由各洲冠軍球隊參加，當中包括中國、俄羅斯、澳洲及安哥拉，聽落好似好勁，不過參賽球隊並冇派強陣應戰，令呢項賽事失色不少，作為東道主嘅中國，首戰留力不敵安哥拉，今仗對澳洲應該出真功夫喇卦！（中央5台周三晚7時30分直播）
中國將於9日內打8場比賽，所以教練鄧華德首仗對安哥拉收起主力，留番之後兩場對俄羅斯及澳洲先強陣應戰，預計易建聯、王治郅及孫悅等主將今仗都會正選上陣，反觀澳洲實力只屬一般，今次來華應戰又唔齊腳，首仗對以年輕球員為主嘅俄羅斯，爆冷於加時落敗，睇怕對住強陣嘅中國都凶多吉少！