莫帥觀光剖白寸王心迹
莫連奴前日去咗白雲皮具城行街，尋日朝就繼續觀光，仲有導遊帶隊添！莫連奴同一眾教練團成員於早上九點半就出發觀光，首先去到位於東風中路嘅中山紀念堂，不過佢哋並冇落車，而沿途亦經過越秀公園及廣州博物館等旅遊勝地。
「狂妄來自我的自尊心」
「觀光團」之後去到有「鞋城」之稱嘅步雲天地，「鞋城」內並冇零售供應，入得嚟幫襯都係批發為主，唔通向來走在潮流尖端嘅莫連奴，想推出「Special One」自家品牌賣鞋？由於皇馬下午有活動，所以莫連奴一行人大約在中午十二點就完成觀光。
「寸王」在另一訪問中透露出「寸的由來」：「我狂妄係來自我嘅自尊心，我要做一個永遠充滿自信嘅人，別人點睇根本唔重要，最緊要係你點睇你自己！」莫連奴仲話自己喺足球界已經毫無畏懼，而佢欣賞嘅人就係影星辛康納利及安東尼鶴健士。