驚恐襲取消熱身賽
布力般流浪原定到訪印度踢表演賽，之後周日抵港，但由於早前印度孟買出現炸彈恐怖襲擊，故布力般決定取消印度之行，並提早一日到港備戰。上季排英超15位嘅布力般流浪，陣中擁有著名球星包括羅賓遜、摩頓柏達臣及艾馬頓等，但今季暫時未有重要收購。
車仔周一下午抵埗
第二支到港嘅參賽球隊係阿士東維拉，大軍將於周日下午約1時15分抵達機場，然後入住君悅酒店，維拉今季改由前伯明翰領隊麥利殊執教，佢曾於去年帶領伯明翰訪港同港聯比賽。
至於最受矚目嘅車路士，踢完周日對泰國明星隊嘅比賽，將會喺下周一下午約２時30分到港，不過佢哋並非入住另外兩支球隊嘅灣仔君悅，而係九龍嘅紅磡海逸酒店。