明早兩場WNBA直播，壓軸戰鳳凰城水星主場對華盛頓奇異。奇異今季真係好奇異，近期好似食咗瀉藥咁連輸4場，今場勢難翻身，水星有力大勝！（now 678及有線165台周六早上10時直播）
兩隊近期狀態可謂差天共地，水星弗到漏，最近連贏5場，仲係聯盟得分力最強球隊，平均每場攻入93.4分，較第2位嘅銀星足足多6分；而奇異今季只係贏咗2場，最近更遭逢4連敗，主將艾積方手風奇差，拖累球隊陷入低潮，相信今場奇異暫難止血，預咗再輸。