晨曦108好漢清潔沙灘

出席昨日活動嘅晨曦青年軍包括U11、U13、U15同U17四支梯隊，連同家長合共九十人，佔青年軍總人數七成，加上晨曦職員及教練共十八人，剛好組成「晨曦一百零八名好漢」。

小球員在球場上學到嘅組織性同紀律，昨日都盡情發揮，分成八組行事，只花一小時便完成任務。

負責組織活動嘅簡俊傑指出：「此行好有意義，因為我哋想話畀大家知，加入晨曦青年軍唔單止學踢波，仲會向球員灌輸同教育公民意識！」簡Sir表示每隔一個月便會搞一次活動，希望小球員可以投入參與。