今屆已贏得銀牌賽、常規賽及季後賽「三料冠軍」嘅永倫，下一步將瞄準下周二（十九日）舉行嘅超級聯賽！領隊林植昌透露，由於超聯可引入兩名外援，故已聘任上屆助拳嘅「黑白雙煞」湯瑪士及波維爾回巢：「基本上我哋對佢兩個喺上年嘅表現都幾滿意，尤其係擔任射手嘅波維爾，技術同各方面都唔錯。況且永倫同佢哋建立咗默契，所以就搵番呢兩位球員幫手！」兩位美國球手將會喺今日到港，預計明晚操練時正式「歸隊」。