2011年NBA選秀會將在香港時間周五早上舉行，據多個「模擬選秀」顯示，杜克大學控球後衞艾榮將被騎士以頭籤揀中，榮登新科狀元！另一方面在剛過去一季遭逢「黑八傳奇」，在首圈被淘汰嘅馬刺，正打算換走星級控衞柏加，以從其他球隊手上取得較高選秀籤。（now 635、678及有線165台周五早上7時30分直播）
根據多個「模擬選秀」，包括《ESPN》專欄作家卓福特第六份嘅「模擬選秀」在內，均預測獲得頭籤嘅騎士會揀選年僅19歲、杜克大學控衞艾榮作為今屆狀元，但在過去35年選秀會內，只有5名後衞成為狀元爺，對上一次就係上年新秀約翰禾爾。卓福特亦估計，獲二號籤嘅木狼會選擇前鋒戴歷威廉士，而爵士則會揀控衞班頓禮特作為探花，以代替上季離隊嘅迪倫威廉士。
另一方面，上季常規賽西岸一哥馬刺已決定重組，根據多個美國媒體透露，馬刺已決定送走柏加，望從其他球隊換得今屆較前嘅選秀籤，為未來鋪路。據悉最大機會同馬刺交易嘅係獲得第五籤嘅速龍，或第七籤嘅帝王，因兩隊都正物色一名出色控衞。馬刺送走柏加後，就會提升較年輕嘅佐治希爾出任正選。
本報綜合報道