Lisa今年比賽略為減少，除咗想集中本年兩大比賽外，其實亦為自己將來發展鋪路。近年喺體壇略有名氣嘅Lisa透露有意自創個人品牌，並期望喺香港、順德兩地開設健美中心及餐廳，試闖一番事業。
已奪得五屆健體小姐嘅Lisa透露開設健美中心原因：「我發覺近年多咗好多年輕人注意健身呢項運動，健身室入面明顯多咗好多人玩，特別係女孩子，因為佢哋都好注意自己嘅身段，每個人都想擁有完美身形。」
不過，Lisa表示目前一切仍然係計劃階段，要慢慢搜集資料：「我呢排會忙於中、港兩邊走，主要係跟一啲前輩朋友學吓嘢，希望攞啲資料打好事業根基，當然有機會的話我都希望喺影視方面參與演出，總之想多方面嘗試。」