姚明下月變「自由球員」
76人為解決內線能力不足嘅問題，有意喺新季羅致一名具分量嘅中鋒，據悉目標之一，包括火箭中鋒姚明，由於姚明嘅合約將於今個月屆滿，下月開始會成為「非受限制自由球員」，故美國媒體認為呢宗交易成事機會頗高。
加入ＮＢＡ已九個球季嘅姚明，最近兩季受傷患困擾，只係打咗五場比賽，早前有報道指火箭打算將佢送走，而塞爾特人同勇士亦先後傳出對佢有興趣。
此外，活塞已辭退教練古斯達，由於活塞今季成績欠佳，加上傳出將帥不和，故活塞決定炒咗古斯達，而一班老臣子如咸美頓、普林斯及賓華萊士來季亦極大機會離隊。