「大帝」勒邦占士近年愈來愈注重打扮，就算平時出入球場練波都要執到正，學足老友韋迪一樣。據《今日美國》報道，「大帝」已決定在總決賽後踩入時裝界，開潮舖賣高檔衫！
勒邦占士除咗打波叻之外，原來亦充滿時尚觸覺，據《今日美國》指出，「大帝」已經決定在總決賽後，在邁阿密開潮舖，賣潮服之餘，仲會賣埋鞋及潮物。至於風格就走高檔路線，價錢一定唔會大眾化，襯番佢「大帝」嘅尊貴地位。
有指占士之所以揀選喺邁阿密開舖，係因為佢自從轉投熱火後成為犯眾憎，喺其他地區嘅受歡迎程度大減，所以喺自己「地頭」邁阿密開舖最穩陣，至少唔會畀人擲雞蛋。另一方面，「巨無霸」奧尼爾尋日召開記者會正式宣布退休，並表明唔會復出。