【本報綜合報道】近日「鋒芝」離婚疑雲鬧得熱烘烘，睇番今季ＮＢＡ，其實都有唔少球星同另一半各行各路，當中最哄動嘅必數兩大控衞拿殊及柏加。不過，兩人近日似乎已走出離婚陰霾，拿殊仲同22歲新歡Brittany Richardson入場睇總決賽Game 2，撐老友魯域斯基之餘順道公開女友地位。
早前有傳媒爆料話拿殊趁前妻大肚期間搭上Brittany Richardson，係離婚嘅主要原因，不過拿殊並冇因此收收埋埋，尋日就帶Brittany入場睇總決賽，正式公開戀情。
至於柏加，同樣畀人影到拖女睇波，有狗仔隊拍到呢位法國後衞最近返家鄉欣賞法網，隨行仲有一位法籍女伴，但唔少傳媒就話柏加新歡冇「靚太」伊娃朗歌麗亞咁索，Taste有少少退步。