將動筆續約2年
杜域侯活與魔術嘅合約將於2013年屆滿，但由於「魔獸」有權在2012年夏天提前跳出合約成為自由身，所以盛傳佢會在下季尾離開魔術，仿傚「大帝」加盟具實力爭標嘅球隊。有指「魔獸」會步奧尼爾後塵，離開魔術加盟湖人。
不過，杜域侯活日前已經表明願意留在母會，據悉佢更會動筆續約魔術兩年去到2015。杜域侯活向傳媒表示：「我實在厭倦有人不斷問我會唔會離隊，大家可唔可以唔好將注意力放喺一啲唔會發生嘅事情呢！我係唔會追隨任何人嘅步伐，包括奧尼爾，我從來冇講過要離隊！」
如杜域侯活唔走嘅話，最傷心嘅肯定係湖人，皆因「紫金兵團」一直視佢為重建球隊嘅骨幹，依家挖角不成，睇怕又有排諗嘞！