傑特爭冠最後機會
NBA歷史上，從未染指總冠軍嘅球星的確多不勝數，就好似《體育畫報》所列出嘅前十位無冕之王中，「郵差」馬龍、「惡漢」巴克利及「大猩猩」伊榮等，都屬八、九十年代嘅一線球星。只可惜無論佢哋用盡任何方法，例如放低身段轉會等，都係陰差陽錯未能一圓冠軍夢，成為職業生涯上最大遺憾。
勒邦占士被選為「無冕王中王」，多少因為佢係百年難得一見嘅球星，除擁有天賦球技外，身形體質甚至勝過米高佐敦，所以占士遲遲未能奪冠，難免令人覺得可惜。至於魯域斯基與傑特兩位老將，今季則被球評家稱為最後機會去擺脫「無冕」，傑特前兩次打入總決賽都飲恨，而魯域斯基則在06年總決賽不敵熱火，兩人都屬二奶命。