06年決賽曾放生韋迪
因操控比賽及非法賭波，在07年被捕嘅「黑哨球證」，早在09年已經刑滿出獄。唐納吉在接受調查時曾經揭發了不少NBA「黑哨」醜聞，當中包括06年總決賽，佢指球證明顯在Game6中「眷顧」韋迪，讓「閃電俠」在尾段獲得多次罰球機會，結果在賽事中反勝小牛，最終以4比2贏得冠軍。及後傳出因為NBA總裁史端一向唔妥小牛班主古班，所以有心讓熱火奪冠。
唐納吉日前在個人博客中透露，雖然佢今季睇好小牛奪冠，但若然球證再與熱火聯手嘅話，小牛肯定冇機會贏冠軍。事實上NBA近年奉行鍾意「造星」，讓「大帝」開拓王朝亦不足為奇。