小牛對熱火係○六年總決賽嘅翻版，當年小牛喺領先二比○嘅優勢下，畀熱火連追四場反勝，老闆古班同主將魯域斯基都感到相當沮喪，但事隔五年，「德國槍」魯域斯基認為小牛進步良多，有信心可報仇成功！
魯域斯基季後賽表現神勇，平均得分達28.4分，投射命中率有51.7%。魯域斯基承認，奮鬥咗十三年，今次最有機會實現夢想：「總冠軍對我嚟講意義重大，我哋呢個班底已合作多年，大家默契成熟，比五年前更強。」
魯域斯基話吸收過之前嘅教訓，有信心可報仇成功：「我覺得我比之前更有經驗，幾乎任何射程都可得手，我哋最大優勢係有出色嘅後備球員，嚟到總決賽，每位球員都需要發揮功用。」