「波神」米高佐敦推出過唔少經典波鞋，成為好多球迷及收藏家嘅至愛，估唔到連成人雜誌《花花公子》都打佢主意，最近推出一本特輯，專題報道各年代米高佐敦嘅經典波鞋。
米高佐敦嘅波鞋系列，直到依家都仲係咁Hit，部分更成為古董，畀班炒家炒到天文數字，《花花公子》以向米高佐敦致敬為名，推出一本米高佐敦波鞋特輯。據悉，呢本特刊展示咗歷來最經典嘅廿三對佐敦波鞋，當然唔係淨係介紹波鞋啦，仲請來一大班索模撐場。
《花花公子》同佐敦關係一向唔錯，早年已同佢做過一個獨家訪問，今次又大玩Crossover，睇嚟可以吸引唔少球迷嘅注意。