雖然冇華麗數據，但公牛眾將都深明，Game1能夠大炒熱火，係全靠防守專家鄧格嘅功勞！布沙表示：「鄧格一直都係球隊嘅無名英雄，我甚至覺得佢應該入選明星賽，事關佢往往能夠減低敵軍主將嘅得分能力，同時亦能挺身而出攞分。」就連一向高傲嘅勒邦占士賽前亦承認不斷翻看比賽片段，研究鄧格如何防守，務求找出破綻。「大帝」賽前就呼籲隊友要盡快入局，唔可以再因失魂而輸波。
拿殊再被揭風流帳
另方面，今季無緣季後賽嘅鳳凰城領袖拿殊，日前被揭風流帳，有美傳媒刊登了多張佢同22歲新歡嘅親密合照，據悉早前拿殊同前妻離婚，原來並非女方出軌，而係拿殊偷食至真。