布沙表示:「季後賽初段我確實發揮得唔係太好,但我哋就好似一家人咁,好多隊友不斷對我鼓勵,就係呢個原因,我先可以喺對鷹隊嘅第六回合大爆發!我知道熱火係奪標熱門,佢哋有兩位偉大球星勒邦占士同韋迪,但我哋冇心理壓力,呢點對我哋爭取出線更有利。」
占士嘜實戴歷羅斯
戴歷羅斯亦對布沙充滿信心:「佢已經衝破心理障礙,只要發揮水準,公牛嘅威力會倍增。公牛係一支團結嘅球隊,我哋要用所有人嘅力量擊敗熱火。」
勒邦占士則表示嚟到最後關頭,防守係勝負嘅關鍵:「我相信東岸決賽唔會出現太高得分比賽,邊個犯錯少,防守出色就可贏得冠軍,雖然我同戴歷羅斯嘅位置唔同,但必要時我會親自防守佢。」
本報綜合報道