C朗媽個性大癲大肺愛恨分明，是個過癮媽咪。幾年前莫連奴仍係車路士領隊嗰陣，曾經寸過當時踢緊曼聯嘅C朗出身於貧窮家庭，仲話佢冇家教，激到C朗媽無名火起，下令寶貝仔對車仔時，唔好同佢握手。家陣愛兒雖喺莫帥麾下，但據聞C朗媽每次見到「寸王」，一樣黑口黑面，仲會出言頂撞，搞到寸王都要買佢怕。
自從寶貝孫去年出世後，C朗媽有孫萬事足，高調湊孫逛街，仲周不時去巴拿貝睇波，次次都「四萬咁口」，有冇新抱根本唔係問題。他日C朗迎娶女友伊蓮娜後，C朗媽肯定會嚴密監視，唔會畀呢個繼母刻薄「小C朗」！