比利時網球巨星「阿金」克莉絲塔絲，○六年宣布退役，原因係要結婚生BB，但○八年二月誕下女兒Jada Ellie後復出，表現就嚟個大爆發，○九年美網贏來個人職業生涯第二項大滿貫，舊年不但再喺美網「冧莊」，其旺氣一直延續到今年，一月擸埋澳網冠軍，世界排名又試過重返第一添！呢位媽咪每次出戰都必定會帶埋愛女一齊，有獎攞就兩母女齊齊捧盃，搞到每次場面都非常溫馨。可惜「阿金」話家庭一定是她生命中最重要，而隨着女兒長大，佢已準備好為咗全力照顧囡囡而再度掛拍。