威廉絲姊妹的媽媽Oracene可說是網壇最出名嘅星媽之一，「大細威」至今在網壇擸走咗二十個大滿貫錦標，她功勞當然不小。她雖然已經同「大細威」嘅老竇離婚，但仍是為兩個愛女擔任教練，兼且是保母、經理人……就連「超級阿四」的角色都做埋，差不多每次比賽都跟足全程，同時，她與愛女同樣鍾意shopping，又愛打扮，珠光寶氣，形象百變，絕對可同「大細威」媲美。
呢位「出位媽媽」除咗先後生咗贏過溫網錦標的「大細威」之外，其實仲有三個女兒，而且個個都相當「生性」，Lyndrea係網頁設計師，Yetunde係髮型屋老闆，而Isha就係未來律師，正修讀法律，如果Oracene出番本叫做《如何培養超級女兒》嘅書，肯定會好暢銷。