中國桌球「神童」丁俊暉近年成績突飛猛進的其中一個原因，就是有媽媽的「愛心飯菜」。為了讓愛兒可以「有啖好食」，唔使吓吓叫外賣咁冇營養。
好似啱啱結束嘅世界桌球錦標賽，丁媽媽就特登飛到英國親自烹煮「住家飯」，並帶埋私家電飯煲，全天候為「小丁」煮飯煲湯，而「小丁」喺世界賽成績大躍進打入四強，亦多得媽咪嘅白粥配荷包蛋早餐，令佢比賽時更加醒神。如果小丁媽返去再勤練廚藝，撚多兩味靚餸，出年世界賽小丁容乜易攞埋冠軍o架！