攞緋聞大開玩笑
據目擊者指出，哥莉亞當日發酒癲打人前，已向泊車員作出連番侮辱，言論仲夾雜了大量粗言穢語，其中更有一句用粗口鬧泊車員係黑人，叫佢快啲坐船滾返鄉下，原來該名泊車員係一名海地出生嘅黑人。
「大帝媽」又打又鬧，形象大插水，難怪近期經常成為網民「惡搞」對象。有網民就開了一個Twitter用戶，扮係哥莉亞在微博發表言論，仲留言大讚前緋聞男友，現効力塞爾特人嘅韋斯日前在季後賽罰球全中，擺明攞兩人緋聞開玩笑！而且又有人寸「大帝媽」係韋斯嘅女人，但最頂癮係「惡搞者」竟然將訊息傳遞給勒邦占士，「大帝」最終忍無可忍，喺網上留言還拖。