奧當大熱膺最佳第六人

湖人全能球員奧當獲選為今季ＮＢＡ最佳第六人，係湖人球員首次獲此殊榮，湖人特別為佢舉行記者招待會，表揚佢嘅貢獻，奧當愛妻Khloe Kardashian都有出席撐場，認真恩愛！

今次選舉共有171名傳媒投票，其中96人喺第一選擇揀咗奧當，佢以總分513分，力壓244分嘅小牛後衞泰利，而第三及第四位，分別係76人前鋒楊格同塞爾特人嘅「Big Baby」格連戴維斯。

奧當今季常規賽打足82場，其中35場正選，取得16.1分、9.7個籃板及3.4次助攻。拍檔高比拜仁同教練積遜都認為奧當實至名歸，而奧當亦對奪獎感安慰：「呢個獎項係對我近幾年角色嘅一種肯定。」