杜域侯活最佳防守又冧莊

雖然杜域侯活今季冇法像前兩季般包攬「籃板王」及「封阻王」兩項美譽，但由於「魔獸」數據全面，今季平均獲得14.1個籃板、2.38次封阻及職業生涯新高1.37次搶截，結果120位投票者合共有114人投了第一選票給「魔獸」，最終以585分高票當選。第二位嘅加納特僅獲77分，而小牛中鋒贊特拿則以70分列第三。雖然杜域侯活只贏此獎三次，仍不及贏過四次嘅賓華萊士及莫湯保，但「魔獸」連奪三次就創咗紀錄。

阿杜文唔再教火箭

另方面，今季無緣季後賽嘅火箭宣布與執教四季嘅阿杜文「分手」。據悉季尾完約嘅阿杜文，因為與球會嘅管理方針出現分歧，決定唔再執教火箭，有傳火箭會搵前騎士主帥米克布朗接手。至於阿杜文舊將、「白朱古力」積遜威廉士，同日亦宣布退休。