公牛反擒溜馬攞頭彩 戴歷羅斯一個玩晒

常規賽冠軍公牛憑戴歷羅斯出色發揮，協助球隊在NBA季後賽揭幕戰主場以104:99反勝溜馬，先拔頭籌。戴歷羅斯今仗如個人Show的演出，就連向來自視甚高的名將「T-Mac」麥基迪賽後亦透過Twitter大讚，並點名MVP得主莫羅斯莫屬。
溜馬（黑衫）今仗一度以嚴密聯防，令公牛進攻時吃盡苦頭。 （美聯社圖片）
溜馬（黑衫）今仗一度以嚴密聯防，令公牛進攻時吃盡苦頭。 （美聯社圖片）

對手都話頂佢唔住

常規賽冠軍對戰8號種子，預期一面倒的交鋒卻有着出人意表的戰況，被看淡的溜馬憑哥連臣、格蘭加及希斯保治合力攻入63分，由開波至第4節一直處於領先優勢。然而羅斯卻於關鍵時刻挺身而出，在完場前1分50秒內連入7分，另助攻高華射入一記「回魂」3分波，最終帶領公牛反勝對手。

貢獻全場最高39分、6個籃板球、6次助攻及3次封阻的羅斯，總共刷新得分、封阻、罰球次數及罰球命中率4項季後賽單場紀錄。面對其強力的爆發，溜馬主將格蘭加承認難以匹敵：「他就好似畀你飛咗嘅女朋友，你唔想見到佢咩？佢就偏偏出現喺你面前，追到你氣咳！」

  • 放大圖片

T-Mac預測攞硬MVP

賽後太陽射手杜利、魔術控衞杜漢及騎士球星巴朗戴維斯，紛紛透過Twitter激讚羅斯，就連活塞老將麥基迪亦撐他值得奪MVP殊榮，「T-Mac」話：「唔需要等MVP公布嘞！戴歷羅斯攞硬！」至於公牛與溜馬今日將作第2場交手，繼續由公牛主場，預料公牛可延續強勁走勢再勝一仗，揸住兩場優勢展開作客印第安納之旅。

本報綜合報道