「大帝」勒邦占士今季將會首披熱火戰衣出戰季後賽，原來對占士嚟講，佢最擔心嘅並唔係球隊缺乏經驗或者默契，而係佢阿媽哥莉亞又再搞事！由於哥莉亞日前發酒癲怒打代客泊車人員，搞到熱火職員要幫佢保釋，「大帝」又被傳媒問到口啞啞，難免影響熱火備戰。有消息指熱火同「大帝」商議後，將會送「大帝媽」返回家鄉俄亥俄州，到熱火完成季後賽之旅後，先畀佢重返邁阿密與占士同住，以免佢在季後賽又搞出大頭佛。其實「大帝」一向疼錫媽媽，但因為染指總冠軍一直係占士多年心願，所以今次亦會「大義滅親」，足證占士真係好恨贏得夢寐以求嘅冠軍指環。