潛質球員多的是
其實布沙離隊之後，對爵士嘅影響並非太大，事關史龍教練已為球隊培訓出另一位優質大前鋒米沙比，而事實證明米沙比嘅得分能力甚至乎較布沙仲出色，所以上半季嘅成績根本唔差。只可惜史龍離隊之後，往後二十五場常規賽竟然輸咗十九場之多，試問仲邊有人敢質疑「無冕教頭」史龍嘅功力。
雖然爵士緣盡季後賽已成事實，但阿裕希望佢哋下季能夠重整旗鼓，再闖高峰。事實上爵士陣內不乏潛質球員，就如菲法斯及希禾特仍有極大進步空間，米沙比及艾爾謝法臣亦只得二十六歲，所以阿裕認為呢班波充滿前景，只要搵來好教練就可以提升戰績。
有線ＮＢＡ評述員 蔡芳裕