球星藝人愈溝愈埋
當然，球員同明星拍拖亦愈來愈普遍，好似紐約人前鋒史杜迪米亞，近日盛傳力追當地R&B歌手施雅娜，而足球界就有碧基，前排溝掂拉丁天后Shakira。其實以往明星同運動員係大纜都扯唔埋嘅界別，不過時移世易，現時球員都知道自己身價等同明星級數，受歡迎程度甚至比佢哋高，所以搵對象都向呢方面埋手。
雖然香港球星身價比唔上外國，但無論係籃壇定足壇，近年嘅球員已愈來愈被明星化，好多都執到靚靚仔仔，外形絕對唔失禮。尤其係籃球員，波男就覺得羅意庭眼細細好可愛，而潘志豪就又大隻又靚仔，絕對有條件去吸引女士們注意啦。
波男