白米贈長者每月逾5000包
早前一個全港餸菜指數調查顯示，在百物騰貴的今天，兩餸一湯動輒七十至八十多元，反映即使清茶淡飯亦足以令囿於經濟的長者費煞思量。東方日報慈善基金舉辦的「粒粒顯關懷」贈米活動，每月透過志願機構與長者屋向清貧長者送贈白米逾五千包，十三年來一直靠善長捐出分毫支持活動，不但為長者帶來一餐餐「安樂茶飯」，更重要的是送上點點關懷。
「依家買一包大米好貴架！好彩《東方》送米，個個月都幫補吓！」贈米活動當天，聖公會聖匠堂長者地區中心人頭湧湧，八十歲的譚金笑與「老友記」結伴到長者中心等候，譚笑言領取贈米早已成為每月的「大日子」，與過時過節無異，「我個個月頭都準時落嚟攞米㗎！食雜糧始終唔襟飽，《東方》送米畀我送咗十幾年喇！」
至於八十七歲的黃珠談起白飯更眉飛色舞，「我每餐要食兩碗飯先夠，你話我係飯桶都係咁話！」中氣十足的黃婆婆笑言自己「好擦得」，更反問記者：「唔食飽飯點瞓得着，係咪？」
身體力行鄰里互助
八十二歲的李倩芬領取贈米時亦不忘關照「老友記」，得知鄰居行動不便更特意出動手推車，為鄰居「拎埋一份」，「大家街坊街里，梗係互相幫忙啦！」李婆婆在感激善長贈米的同時，亦不忘身體力行將「粒粒顯關懷」訊息傳揚開去，發揮鄰舍互助精神。
「紅磡區貧富差距嚴重，呢區好多老人家一日三餐都成問題！」聖公會聖匠堂長者地區中心督導主任譚婉真表示，中心內不少長者皆為天光墟的「熟客仔」，天未光便前往「執平貨」，「其實一包米已經可以令長者嘅經濟壓力紓緩唔少，真係好多謝《東方》咁熱心，亦希望捐錢嘅善長繼續支持呢個咁有意義嘅活動！」
捐款編號：16333
愛心回應
獨居的梁慶山每月靠綜援維生，無力添置洗衣機，多年來一直以雙手清洗衣服。然而，隨着歲月流逝，加上梁伯近日風濕症惡化，已不能蹲下清洗衣服，「惟有一件衫着多幾日！」東方日報慈善基金了解情況後，即時透過與三星電子有限公司合辦的「三星一心一意行動」，為梁伯送出全新洗衣機一部，令梁伯感激不盡，「好多謝東方日報同三星嘅幫助！之前踎低洗衫會頭暈，依家有洗衣機唔使再咁辛苦！」
從未使用過洗衣機的梁伯對簇新洗衣機如獲至寶，「以前着牛仔褲前都要諗一諗，怕洗嗰時唔夠力扭乾，依家唔再驚啲衫滴水！」梁伯指過去曾試過一條牛仔褲着足十五日，獲贈洗衣機後更即時「試洗」，開心不已。
梁慶山：62歲
求助物件：洗衣機
捐款編號：12007
記者 梁卓怡