拿殊「戴綠帽」單料講足幾個月，近日又有新進展。話說拿殊幾日前在facebook上載完同巴布沙嘅合照，還後者一個清白之後，有美國傳媒就爆出同佢前妻Alejandra搞埋嘅真命天子，係現効力魔術嘅「入樽王」積遜李察遜至真！
Alejandra去年尾誕下一子Matteo，但老公拿殊事隔一日後就公開宣布離婚，震驚籃壇，有傳言指兒子出世後有黑人血統，經手人仲係拿殊前隊友巴布沙。不過，拿殊日前已在facebook主頁上載同巴布沙新影嘅合照，仲寫上「好掛住我嘅兄弟」，親證巴布沙並非破壞人家庭嘅第三者。
美國傳媒《terezowens》日前就爆料，巴布沙只係一個替死鬼，原來真正經手人係另一黑人球員、拿殊嘅前鳳凰城隊友積遜李察遜！
在08年加盟鳳凰城嘅積遜李察遜，據悉早前偷嗒Alejandra，點不知兩人不設防仲搞到Alejandra珠胎暗結誕下Matteo，要拿殊做便宜老竇。由於鳳凰城內部都知道真相，為免球隊出現分化，高層就在去年12月，亦即拿殊宣布離婚後僅一個月，就將積遜李察遜換去東岸奧蘭多魔術。
積遜李察遜個底一向好花，近年已不只一次因醉駕及超速而被拘捕，09年仲因為開快車被警方截停後，發現冇幫年僅3歲嘅兒子扣安全帶，結果被控疏忽照顧兒童。相比起出名係好爸爸嘅拿殊，積遜李察遜呢個「衰老竇」真係差天共地。
時間 賽事（前者主場） 讓分
周六7:00am 溜馬 Vs 公鹿 溜讓2.5分
周六7:00am 魔術 Vs 山貓 魔讓6.5分 now 678、有線62及165台直播
周六7:00am 76人 Vs 籃網 人讓8.5分
周六7:00am 巫師 Vs 騎士 巫讓2.5分
周六7:30am 活塞 Vs 公牛 公讓6.5分
周六8:00am 鷹隊 Vs 塞爾特人 塞讓1.5分
周六8:00am 木狼 Vs 熱火 熱讓10.5分
周六8:00am 黃蜂 Vs 灰熊 黃讓1.5分
周六8:30am 火箭 Vs 馬刺 馬讓5.5分 廣東體育及中央5台直播
周六10:00am 太陽 Vs 快艇 太讓4.5分 無綫明珠台直播
周六10:00am 拓荒者 Vs 雷霆 拓讓2.5分 now 678及有線165台直播
周六10:00am 帝王 Vs 金塊 金讓5.5分
周六10:30am 爵士 Vs 湖人 湖讓7.5分 now 635直播
周日8:00am 公牛 Vs 速龍 公讓10.5分 廣東體育直播
周日8:00am 灰熊 Vs 木狼 灰讓6.5分 now 678、有線62台及165台直播
周日8:30am 公鹿 Vs 76人 人讓3.5分
周日10:30am 勇士 Vs 小牛 小讓6.5分 now 635直播
周日10:30am 快艇 Vs 雷霆 雷讓4.5分
馬刺 97:107 塞爾特人
湖人 110:82 小牛
註：前者主場
本報綜合報道