撩傅家俊鬥快生B 陳國明：呢鋪唔再輸！
傅家俊在桌球壇、香港體育界甚至藝能界，都廣結人緣，一班好友紛紛向Marco祝賀，曾並肩作戰並屢獲佳績的「金銅子」陳國明恭賀戰友之餘，更向Marco下「戰書」，與其鬥快生ＢＢ！
去年亞運會後成家立室的國明稱：「其實好早知佢結婚嘅消息，依家全香港、全世界都知就當然最高興啦，恭喜說話唔多講，我想同佢講要再鬥番鋪，鬥快生仔生女，過往打桌球就輸畀佢，我今次唔會再輸，哈哈！」
大宇「蘇威」齊恭喜
至於今日出發參加世界女子桌球錦標賽的兩位師妹葉蘊妍（阿Faye）及吳安儀都為師兄送上祝福，阿Faye說：「識佢哋好耐喇，Marco識咗Shirley之後成個人開心咗好多，每次佢哋出嚟同我哋玩都好鬼Sweet，再次恭喜佢哋。」安儀則送上一連串的四字詞：「三年抱兩、早生貴子、百年好合、永結同心、白頭到老……」
現時身在美國的前壁球名將「小旋風」趙詠賢亦在微博送上：「恭喜恭喜！心情緊張嗎？」
與Marco好老友的藝人陶大宇及蘇志威也恭喜一番。陶大宇說：「我都收到消息，但仲未收到帖。上次喺Marco生日會見過佢女友，真係恭喜佢哋。平時見到佢哋好夾，佢哋不論脾性同生活習慣都好似，聽到佢哋嘅喜訊都好開心。」蘇志威就話一早知道佢哋嘅喜訊：「佢早已ＳＭＳ通知我，梗係恭喜佢啦！」